Leikskólinn Brákarborg opnaði í lok sumars 2022. Um er að ræða endurbyggingu á gömlum hverfiskjarna við Kleppsveg þar sem komið var fyrir 120 barna leikskóla. Liska sá um ljósvistarhönnun, dagsbirtugreiningu og raflagnahönnun byggingarinnar.

Öll hönnun tók mið af því að nýta sér umhverfisvænar lausnir og hlaut verkefnið verðlaunin Grænu skófluna, viðurkenningu Grænni byggðar fyrir mannvirki sem byggt hefur verið með framúrskarandi vistvænum og sjálfbærum áherslum. Einnig var unnin vistferilsgreining sem er hluti af BREEAM vottun.

Við hönnun lýsingar innanhús var lögð rík áhersla á mannlega nálgun þar sem dagsenur eru nýttar til þess að fylgja náttúrulegu svefnmynstri nemenda og starfsfólks og stuðla þannig að vellíðan notenda byggingarinnar. Lýsingin breytist sjálfvirkt yfir daginn, bæði litarhita- og birtustig, eftir því um hvaða rými ræðir en starfsfólk getur þó alltaf gripið inn í dagsenur til að breyta stillingum ef þörf er á.

Í aðalrýmum leikskólans er megin lýsing bakvið hljóðdúk og er því lampabúnaðurinn sjálfur ekki sýnilegur og veldur ekki glýju.  Hugað var að því að framsetning stillinga og stillingar sem í boði eru séu notendavænar og henta því fjölbreytta starfi sem fer þar fram.

Á útisvæði leikskólans var leitast eftir að tryggja góða almenna lýsingu í skammdeginu sem á sama tíma myndi hvetja til leiks og efla hugmyndaflug.  Myndvörpun og litalýsingu er beitt með líflegum hætti sem ljá svæðinu ævintýralegri blæ.

​

Fjallað var um verkefnið í frétt á heimasíðu Lisku, hér.

​